Peru \"Zika\" virusu ilə əlaqədar fövqəladə vəziyyət elan etdi

Ölkə.Az RİA Novosti agentliyinə istinadən xəbər verir ki, Peruda 90 gün müddətinə fövqəladə sanitar vəziyyətin tətbiq edilməsi haqqında qərar qəbul edilib.

Ölkənin 25 regionundan 11-ində xəstəliyin yayılmasının qarşısını almaq üçün müvafiq təxirəsalınmaz tədbirlər həyata keçiriləcək. İndiyədək Peruda 102 nəfər “Zika” virusuna yoluxub.

Ümumdünya Səhiyyə Təşkilatı (ÜST) 3-4 mln insanın "Zika" virusuna yoluxacağını proqnozlaşdırır. "Aedes aegypti” növlü ağcaqanadlar tərəfindən yayılan bu virus hamilə qadınlar üçün xüsusilə təhlükəlidir. O, ana bətnində körpənin baş və beyninin inkişafını əngəlləyərək ağır fiziki və əqli qüsurlar yaradır.

İlhamə
Ölkə.Az