İŞİD-ə qarşı döyüşən kürdlərin maaşını ABŞ ödəyəcək

Xəbər verdiyimiz kimi dünən Vaşinqton və Şimali İraq kürd Muxtariyyətinin rəhbəri arasında hərbi saziş imzalanıb.

Sənədi Ərbilin Səlahəddin qəsəbəsində Şimali İraq Kürd Muxtariyyətinin lideri Məsut Barzani ilə ABŞ-ın Müdafiə Nazirliyini təmsil edən beynəlxalq təhlükəsizlik məsələləri üzrə rəsmi nümayəndəsi Ellisa Slotkin və Şimali İraq Kürd Muxtariyyətinin daxili işlər naziri Kərim Sincani imzalayıblar.

Ölkə.Az Türkiyə mediasına istinadən xəbər verir ki, bu gün sazişin bəzi təfərrüatları məlum olub. Belə ki, sazişə əsasən ABŞ İŞİD-in İraqdakı son əsas bazası olan Mosulun azad edilməsi uğrunda döyüşlərdə Peşmərgə ilə əməkdaşlıq edəcək. Daha bir məlumata əsasən peşmərgə sıralarında döyüşən kürd döyüşçülərin maaşını da Amerika ödəyəcək.

İlhamə
Ölkə.Az