İran Misiri özünün daxili işlərinə qarışmaqda ittiham edib

Ölkə.Az "Anadolu" agentliyinə istinadən məlumat verir ki, Misirin Tehrandakı rəsmi nümayəndəsi İran xarici işlər nazirliyinə çağırılıb.

Buna səbəb bir sıra misirli deputatların Parisdə iranlı müxalifətçilərin toplantısında iştirak etməsi olub.

Söhbət İran Xalq Mücahidləri müxalifət hərəkatının siyasi qanadı olan və İrandakı hakim rejimə qarşı mübarizə aparan İran Milli Müqavimət Şurasının Toplantısından gedir. İran XİN misirli diplomata narazılığını bildirib.

"Tehran rəsmi Qahirənin bu addımını qınayır və bunu İranın daxili işlərinə kobud müdaxilə kimi qiymətləndirir", İran XİN-dən verilən bəyanatda belə deyilir.

İlhamə
Ölkə.Az