Nitsada ölənlərin sayı getdikcə artır
Nitsada ölənlərin sayı 84-ə çatdı, 18 nəfərin vəziyyəti ağırdır
Ölkə.Az TASS agentliyinə istinadən xəbər verir ki, Fransanın Nitsa şəhərində törədilən terror aktı qurbanlarının sayı 84 nəfərə çatıb. Həkimlər 18 nəfərin vəziyyətinin ağır olduğunu bildirirlər.
Dünən Fransanın Müstəqillik Günü münasibəti ilə atəşfəşanlığı seyr edən kütlə sürətlə gələn avtomobil tərəfindən əzilib. Avtomobil sürətini dayadırmadan 2 km. məsafədə insanları əzə-əzə irəliləyib. Sürücü eyni zamanda ətrafa atəş açmağa başlayıb. Sürücünün son niyyəti bomba yüklü avtomobili partlatmaq olub.
Hazırda polis tərəfindən öldürülmüş terrorçu ilə əlbir olan şəxslər axtarılır. Fransa prezidenti və digər ölkələrin rəhbərləri hadisəni terror aktı adlandıraraq qınayıblar.
İlhamə
Ölkə.Az