Xuntaçılarla əlaqədə günahlandırılan iki mindən çox hakim işdən çıxarıldı
Türkiyədə iki mindən çox hakim işdən çıxarılıb.
Ölkə.Az Türkiyə mediasına istinadən verdiyi xəbərə görə, Türkiyənin Məhkəmə-Hüquq Şurası 2 min 745 hakimin işdən çıxarılması haqqında qərar qəbul edib. Şuranın özünün 5 üzvünün səlahiyyətlərinə xitam verilib.
Türkiyədə dövlət idarələri arasındakı mübahisələrə baxan məhkəmə orqanı – Danıştayın isə 5 üzvü həbs edilib, 4 üzvü yazılı həbs sanksiyası olmadığı üçün qərara tabe olmayacağını bildirib.
Qeyd edək ki, ötən gecə Türkiyədə hərbi çevrilişə cəhd olub. Hadisə nəticəsində ümumilikdə 265 nəfər həlak olub.
Hərbi çevrilişə cəhdə görə saxlanılanların sayı 2839 nəfərə çatıb. Türkiyədə təslim olan hərbçilərin 700 nəfər olduğu bildirilir.
