\"Xuntaçıların içərisində rus təyyarəsini vuran pilot da var\"

Türkliyə dünən gecə baş verən hərbi çevrilişin şokundan hələ çıxmayıb.

Ölkə.Az xəbər verir ki, CNN Türk kanalına müsahibə verən Ankaranın meri Melih Gökçek dövlət çevrilişinə cəhd edən həbçilər arasında keçən ilin noyabr ayında Suriya ilə sərhəddə rus bombardımançısını vuran pilotun da olduğunu bildirib.

Gökçeyin sözlərinə görə, bunun arxasında da planlanmış bir təxribat ola bilər. Rus təyyarəsinin vurulması ilə Ankara ilə Moskva az qala müharibənin astanasına gəlmişdilər.

Ankara meri pilota təlimatın Pensilvaniyadan verildiyini, bununla da Rusiya ilə Türkiyə arasında konflikt yaradaraq ölkədə daxili vəziyyəti pisləşdirərək hakimiyyəti dəyişməyin planlandığının daha çox ağılabatan versiya olduğunu deyib.

Xatırladırıq ki, keçən ilin payızından təyyarə insidentinə görə Rusiya ilə Türkiyə arasında bütün iqtisadi və mədəni əlaqələr qırılmışdı.

Ölkə.Az