Türkiyə hadisələri məşhurları üz-üzə qoydu

Türkiyədə baş verən hərbi çevrilişə cəhd hadisəsi bu ölkədəki idman camiyəsində də gərginlik yaratmağa davam edir.

Ölkə.Az qafqazinfo-ya istinadən xәbәr verir ki, bu dəfə ölkənin sayılıb-seçilən idmançıları bu olay səbəbindən üz-üzə gəlib.

Belə ki, milli motosikletçi Kenan Sofuoğlu hadisə ilə bağlı sosial şəbəkədəki şəxsi hesabından paylaşım edib. O, həmin yazısında Fətullah Gülən tərəfdarı olaraq tanınan Türkiyə futbolunun canlı əfsanəsi Hakan Şükürə söz atıb. Tanınmış idmançı “Sakaryaya gəlmə, səni döyərlər” yazaraq, veteran futbolçuya söz atıb. Milli basketbolçu Enes Kanter isə araya girərək, Sofuoğluna sərt şəkildə cavab yazıb.

Qeyd edək ki, Türkiyədə baş verən hadisələrdə hazırda ABŞ-da yaşayan, “Nurçular”ın lideri Fətullah Gülənin əli olduğu deyilir.