Pakistanlı “Kim Kardaşyanı” qardaşı açıq-saçıq fotolara görə öldürdü
Kandil Baloçun 26 yaşı var idi.
Pakistanlı model Kandil Baloç (Qandeel Baloch) Pəncab vilayətində öz evində ölü tapılıb.
Ölkə.Az xəbər verir ki, gənc qızı doğma qardaşı Vasim boğaraq qətlə yetirib.
Baloçın valideynləri bildiriblər ki, Kandil və Vasim arasında cümə günü, iyulun 15-də, axşam saatlarında mübahisə yaşanıb. Şənbə günü səhər saatlarında isə qızın meyiti aşkarlanıb.
Bildirilir ki, Vasis hadisədən sonra cinayət yerini tərk edib, hazırda polis onun axtarışını aparır.
Nəşr qeyd edir ki, gənc modelin açıq-saçıq fotolarına görə dəfələrlə hədələyiblər. Kandil hüquq-mühafizə orqanlarına müraciət edərək müdafiə istəyib, lakin polis onun bu xahişi rədd edib.
Kandil Baloç 2014-cü ildə sosial şəbəkələrdə yerləşdirdiyi videogörüntüdən sonra məşhur olub. Paksitanda gənc qızı “stil ikonası” adlandırırdılar, Kandil Baloçu hətta amerikalı Kim Kardaşyanla müqayisə edirdilər.
