Türkiyədə çevrilişə cəhddən sonra saxlanılan o general sərbəst buraxıldı
Çanaqqalanın Gelibolu rayonundakı 18-ci Mexaniki piyada korpusunun komandanı general-leytenent İsmail Gürgen sərbəst buraxılıb.
Ölkə.Az xəbər verir ki, Türkiyədə 15 iyul çevrilişinə adı qarışan minlərlə şəxs həbs olunub. Onların çoxu hərbçi, bir hissəsi polis, prokurorluq və məhkəmə əməkdaşları, digərləri isə iş adamları və mülki vətəndaşlardır.
Məlumata görə, məhkəmədə əleyhinə heç bir ciddi ittiham irəli sürülməyən general Gürgen elə məhkəmə salonundan azadlığa buraxılıb. Ölkədə həbslər isə davam etməkdədir.
