Texasda dörd nəfər silahlı insidentin qurbanı olub
ABŞ-ın Texas ştatında yaşayış kompleksində baş verən atışma zamanı dörd nəfər ölüb.
Hadisə yerində bir kişi, iki qadın və bir uşaq meyiti aşkarlanıb.
Polis daha bir uşağın həyat üçün təhlükəli olmayan xəsarətlə xəstəxanaya aparıldığını bildirib.
Hadisəni törətməkdə şübhəli bilinən şəxs özü də ölü tapılıb. Polis bu səbəbdən şəhər sakinləri üçün artıq təhlükənin mövcud olmadığını qeyd edib.
Atışma Austindən cənub-şərqdə yerləşən və 7.5 min əhalisi olan Bastrop şəhərində qeydə alınıb. (oxu.az)
