İranda peyk antenalarına qadağa qoyuldu

Ölkə.Az "İntrerfaks" agentliyinə istinadən xəbər verir ki, İranda əhaliyə məxsus 100 mindən çox peyk antenasının boşqabı hökumət nümayəndələri tərəfindən yığışdırılıb.

Hökumət bu fəaliyyəti peyk antenaları ilə yayımlanan müxtəlif kanalların insanların mənəviyyatını pozması ilə əlaqələndirib.

"Telekanallar boşanmaların sayının artmasına, şəhvət duyğularının təbliğinə və sosial qeyri-sabitliyin artmasına xidmət edirlər",- deyə İran Basic xalq hərəkatı qoşunlarının rəhbəri, general Məhəmməd Rza Naqdi bildirib.

Onun sözlərinə görə, artıq bir milyondan çox İran vətəndaşı peyk antenaları qurğularını könüllü surətdə yerli hakimiyyət nmayəndələrinə təhvil veriblər.

İlhamə
Ölkə.Az