Avropadan Türkiyəyə təhdid dolu mesaj
Aİ-dən Türkiyəyə: Edam cəzası geri gələrsə
Avropa İttifaqı Komissiyasının prezidenti Yean Klod Yanker (Jean-Claude Juncker) Türkiyədə ölüm hökmünün geri gətiriləcəyi təqdridə Aİ-nin verəcəyi reaksiya haqqında danışıb.
Ölkə.Az xəbər verir ki, Yanker bir televiziya kanalına açıqlama verərkən bu mövzuya da toxunub:
"Türkiyədə ölüm hökmü geri gətiriləcəyi təqdirdə Aİ üzvlük prosesi dərhal dayandırılacaq", - o deyib.
Yanker həmçinin Türkiyə-Aİ müzakirələrinin gedişatı ilə bağlı da fikrini bildirib:
"Hazırki vəziyyətdə görünən budur ki, Türkiyə yaxın müddət ərzində Avropa İttifaqına üzv olacaq mövqedə deyil. Hətta mən deyərdim ki, bunun üçün düşünüləndən daha uzun bir vaxt keçəcək".
Qeyd edək ki, 15 iyul 2016-cı il tarixində bir qrup hərbçinin çevrilişə cəhd etməsinin qarşısı alındıqdan sonra prezident Ərdoğan parlamentin edam cəzasını yenidən qanuniləşdirmə istəyi olarsa, o da öz növbəsində bunu təsdiq edəcəyini bildirmişdi.
