Yaponiyalı qatil 470 nəfəri öldürmək istədiyini bəyan edib
Xəbər verildiyi kimi bu gün Yaponiyada 26 yaşlı Satosi Uematsu əlillər evinə girərək 17-75 yaş arasında 19 nəfəri qətlə yetirib, 40-dan çox xəstəni yaralayıb.
Ölkə.Az Rusiya KİV-lərinə istinadən xəbər verir ki, qatil hadisə yerindən uzaqlaşmazdan öncə özünün Twitter səhifəsində "bütün dünyaya və gözəl Yaponiyaya" sülh arzulayıb. Daha sonra polisə təslim olub.
Yerli KİV-lər xəbər verirlər ki, bu ilin fevral ayında Satosi Yaponiya Parlamentinin aşağı palatasına məktubla müraciət edərək bütün əlillərin evtanaziya edilməsinə icazə verən qanunun qəbul edilməsini tələb edib.
O, həmçinin əqli və fiziki cəhətdən şikəst olan 470 nəfəri qətlə yetirməyə hazır olduğunu bəyan edib.
İlhamə
Ölkə.Az
