Türkiyə Ali Hərbi Şurasının iclası sona çatdı
Türkiyənin Nazirlər Kabinetində, baş nazir Binali Yıldırımın sədrliyi ilə Ali Hərbi Şuranın 5 saatlıq iclası başa çatıb.
Bu dəfə ilk dəfə Ali Hərbi Şuranın iclasında ölkənin müdafiə naziri də iştirak edib.
Şuraya Baş nazir, müdafiə naziri, baş qərargah rəisi və onun birinci müavini, quru, hava, dəniz və jandarma qüvvələrinin komandanları, birinci, ikinci, üçüncü və dördüncü (Ege ordusu) orduların komandanları daxildirlər.
İclasdan sonra şura üzvləri prezident sarayına yola düşəcəklər. Sarayda prezident Ərdoğanın Şura üzvlərinin şərəfinə şam yeməyi verəcəyi gözlənilir. İclasda qəbul olunan qərarların prezidentin təsdiqindən sonra açıqlanacağı bildirilir.
