ABŞ Türkiyə hökumətinin ittihamlarına cavab verdi
Türkiyədə baş vermiş dövlət çevrilişinə cəhddən sonra bu ölkənin yüksək vəzifəli şəxsləri məsələdə ABŞ kəşfiyyatını və birbaşa dövlət qurumlarını ittiham etmişdilər.
Ölkə.Az xəbər verir ki, çevrilişə cəhdin üstündən yarım ay keçdikdən sonra ABŞ Dövlət Departementi rəsmi olaraq Türkiyənin ittihamlarına cavab verib.
Dövlət Departamentinin rəsmi nümayəndəsi Con Kirbi verdiyi brifinqdə Türkiyədə baş verənlərə münasibət bildirərək Ankaranın ittihamlarını dəyərləndirib.
"Türkiyə sadəcə müttəfiq deyil, həm də bir dost ölkədir. Türkiyədə baş verən dövlət çevrilişinə cəhdlə heç bir əlaqəmiz yoxdur. Bu hadisədən sonra Türkiyə hakimiyyətinin atdığı addımları başa düşürük, amma jurnalistlərin və media nümayəndələrinin həbsindən narahatıq", - deyə ABŞ rəsmisi bildirib.
