\"Putinin Ərdoğanla futbola baxmağa vaxtı yoxdur\"

Ölkə.Az Rusiya KİV-lərinə istinadən xəbər verir ki, Rusiya prezidenti Vladimir Putin Türkiyədə keçiriləcək futbol oyununu seyr etməyə gedə bilməyəcək.

Onun avqust ayı üçün bütün görüşləri öncədən planaşdırılıb və boş zamanı yoxdur. Bu barədə prezidentin mətbuat katibi Dmitri Peskov məlumat verib.

"Mən inanmıram ki, bu baş versin, lakin istisna da etmək olmaz. Onların avqust ayında görüşləri artıq planlaşdırılıb",- deyə mətbuat katibi bildirib.

Xatırladaq ki, mətbuatda Türkiyə və Rusiya futbol komandalarının yoldaşlıq görüşünün keçiriləcəyi bildirilmişdi. Oyun avqustun 31-də Antalyada baş tutacaq. Xəbərlər arasında Ərdoğanın Putini oyunu seyr etmək üçün dəvət edəcəyi barədə məlumatlar da yer almışdı.

İlhamə
Ölkə.Az