Krım türkləri müəmmalı şəkildə yoxa çıxır

Ölkə.Az "Дождь" telekanalına istinadən xəbər verir ki, Krım respublikasının prezidenti Sergey Aksyonov yarımada ərazisində mütəmadi olaraq, naməlum səbəblərdən insanların yoxa çıxması faktinı inkar etmir.

"Mən övladlarını itirmiş valideynlərin yanında olmuşam. Deyə bilərəm ki, bu hal kütləvi vəziyyət almayıb. Slavyan görkəmli şəxslərin itməsi faktlarına da rast gəlmək olur. Krım türklərinin arasında 4 nəfər itkin hesab olunur", - deyə Aksyonov qeyd edib. O, həmçinin əlavə edib ki, yerli hüquq-mühafizə orqanları itkin düşmüş şəxslər barəsində araşdırmalara başlayıblar.

Qeyd edək ki, "Human Rights Watch" adlı hüquqların müdafiəsi təşkilatının nümayəndələri bir həftə öncə Krımda Ukraynaya meylli şəxslərin yoxa çıxması hallarının artdığını bəyan ediblər.

Təşkilatın məlumatına görə, son bir neçə ay ərzində yarımada ərazisində izi-tozu bilinmədən 7 nəfər yoxa çıxıb, onlardan 5-i türk cəmiyyətinin üzvləri olublar.

 

İtənlərdən biri sonradan asılmış vəziyyətdə aşkar edilib.