Almaniyada Ərdoğana dəstək: "Dik dur, əyilmə!"
Almaniyanın Köln şəhərində 30 mindən artıq türk Türkiə prezidenti Rəcəb Tayyib Ərdoğana dəstək mitinqinə qatılıblar.
Mitinqdə Avropa-Türk Demokratlar İttifaqının (UETD) üzvləri də iştirak edirlər. Mitinq iştirakçılarının sayının 50 min nəfərə çatacağı gözlənilir.
Almaniyanın hakimiyyət dairələri Rəcəb Tayyib Ərdoğanını mitinq iştirakçılarına müraciətinin translyasiyasını yasaqlayıblar. Əvvəlcə Münster əyalət məhkəməsi, sonra da Almaniya Federal Konstitusiya Məhkəməsi translyasiyaya icazə verməyib.
Avropanın çeşidli ölkələrindən gəlmiş türklərin qatıldıqları mitinqi Çevrilişə qarşı Demokratiya Platforması təşkil edib.
Bu arada kürdlər və Fətlhullah Gülən tərəfdarları da Kölndə mitinqə hazırlaşırlar.
Təhlükəsizliyi 2700 polis əməkdaşı təmin edir. Köln polis idarəsinin rəisi Yurgen Matias mitinqdə təhlükəsizliyin təminatına rəhbərlik üçün İtaliyadakı istirahətini yarımçıq qoyaraq şəhərə dönüb. (milli.az)
