Çak Heygel: "ABŞ ordusu Rusiya ilə müharibəyə hazır olmalıdır"
Ölkə.az "İtar-TASS" agentliyinə istinadən xəbər verir ki, ABŞ-ın müdafiə naziri Çak Heygel Ordu Assosiasiyasının tədbirindəki çıxışı zamanı bu sözləri deyib.
"ABŞ hərbçiləri yüksək döyüş hazırlıqlı rus ordusu ilə müharibəyə hazır olmalıdırlar. Üsyançılar, terrorçular tərəfindən təhdid uzun müddət olacaq. Biz bütün təhlükələrə qarşı hazır olmalıyıq. NATO-nun əhatə etdiyi məkanın astanasında olan Rusiya ilə problemlər yaşadığımıza görə, hər şeyə hazır olmalıyıq", deyə Çak Heygel vurğulayıb.
Daha sonra çıxışını davam etdirən Pentaqon rəhbəri İŞİD-ə diqqət yönəldərək "qeyri-dövlət subyektlərinin" də dağıdıcı texnologiyalara malik olduğu, partizan və terror müharibəsi aparan təşkilatlarla mübarizənin requlyar orduya qarşı müharibə etməkdən daha çətin olduğunu bildirib.
Ölkə.az
