Ermənistanda qiyamçılar təslim oldu

Ermənistanda polis bölməsini zəbt etmiş şəxslər təslim olub

Ölkə.Az "Ria Novosti" agentliyinə istinadən xəbər verir ki, İrəvanda polis bölməsini zəbt etmiş silahlı şəxslər təslim olublar.

Ermənistan Milli Təhlükəsizlik Xidmətindən verilən məlumata görə, 20 nəfərin həbs edildiyi bildirilir.

Xatırladaq ki, silahlı qrup iyulun 17-dən Ermənistan polis patrul xidməti polkunun binasına daxil olaraq polisləri və həkimləri girov götürmüşdülər. Toqquşmalar zamanı 1 polis öldürülmüş, 6 nəfər yaralanmışdı.

İyulun 27-də silahlı şəxslər polka daxil olub tibbi yardım göstərmək istəyən 4 həkimi də girov götürmüşdülər. Silahlılar ölkənin səhiyyə naziri Armen Muradyanın da gəlib təslim olmasını tələb etmişdilər.

İlhamə
Ölkə.Az