\"Türkiyə bizi qorxutmasın və ağıl verməsin\"

Ölkə.Az xəbər verir ki, Qırğızıstan prezidenti Almazbek Atambayev Türkiyənin xarici işlər naziri Mövlut Çavuşğolunun bu ölkədə Fəthullah Gülən tərəfdarlarının çevriliş edə biləcəyi barədə xəbərdarlığını cəfəngiyat adlandırıb.

Bununla belə o, bu məlumatın araşdırılacağını qeyd edib.

"Bu, cəfəngiyatdır. Belə ağıllıdırlarsa özlərində çevriliş baş verməzdən öncə niyə yatırdılar? Əlbəttə biz əldə olunan bütün informasiyanı dinləyir və araşdırırıq. Lakin, bizi qorxutmaq və ya ağıl öyrətmək lazım deyil", - deyə Qırğızıstan prezidenti vurğulayıb.

Qeyd edək ki, Türkiyənin xarici işlər naziri Mövlut Çavuşoğlu Gülən tərəfdarlarının Qırğızıstanda da analoji çevriliş törədə biləcəklərini bildirmişdi. Həmçinin o, qeyd etmişdi ki, əgər bu ölkədə hakimiyyət Gülənçilərə qarşı münasibəti dəyişməzsə, Türkiyə Qırğızıstana münasibəti dəyişəcək.

İlhamə
Ölkə.Az