Türk diplomatlar Qazaxıstandakı liseylərdən uşaqlarını çıxarırlar

Ölkə.Az "NewTimes.kz" agentliyinə istinadən xəbər verir ki, Türkiyənin Qazaxıstandakı səfirliyinin əməkdaşları hamısı eyni vaxtda uşaqlarını Qazax-Türk liseylərindən çıxarmağa qərar veriblər.

Buna səbəb türklərin bu məktəblərin Fətullah Gülənə aid olmasını iddia etməsidir. Yay tətili olmasına baxmayaraq, bir neçə gündür bu liseylərdə telefonlar susmur. Valideynlər öz narahatlıqlarını bildirirlər. Eyni zamanda, məşhur liseylərin fəaliyyətinə nəzarət edən KATEV Beynəlxalq Fondunun rəhbərləri bu liseylərin siyasət və xarici təşkilatlarla əlaqəsinin olmadığını qeyd edirlər. Onlar zərurət yaranarsa məktəblərin adını dəyişə biləcəklərini söyləyiblər.

Qazaxıstan Təhsil Nazirliyi Qazax-Türk Liseylərinə qarşı hər hansı bir iddiasının və narazılığının olmadığını vurğulayıb.

İlhamə
Ölkə.Az