Sarkisyanın sarayı qarşısında özünü yandıran erməni etirazçı öldü

Ölkə.Az Ermənistan mediasına istinadən xəbər verir ki, şənbə günü Prezident Administrasiyası qarşısında özünü yandırmış etiraz aksiyasının üzvü Qadjik Qriqoryan ölüb.

O, intihara cəhd etdikdən sonra xəstəxanaya yerləşdirilsə də həyatını xilas etmək mümkün olmayıb. Etirazçı bir il əvvəl hökumət tərəfindən əlindən alınmış mənzilinə görə kompensasiya tələbi irəli sürmüşdü.

Maraqlıdır ki, o özünü yandırdıqdan sonra ətrafdakılar dərhal müdaxilə etmiş, alovu söndürmüşdülər. Xəsarət almış Qriqoryan özü yeriyərək taksiyə oturmuş və ətrafdakı adamlarla birlikdə xəstəxanaya getmişdi. Yalnız iki gün sonra həkimlər onun vəziyyətinin çox ağır olduğunu qeyd etmişdilər. Bu gün isə etirazçının ölüm xəbəri yayılıb.

İlhamə
Ölkə.Az