Azərbaycan bayrağını zibil qutusuna atdıran keçmiş vali tutuldu

Ölkə.Az xəbər verir ki, Türkiyənin Bursa vilayətinin sabiq valisi Şəhabəddin Harput Fətullah Gülən hərəkətı ilə əlaqədə ittiham olunaraq saxlanılıb. O, bu gün Bursaya gətirilib.

Şəhabəddin Harput vəzifədə olduğu müddətdə dövlətə məxsus binalardan birini Gülən camaatına məxsus xəstəxanaya çevirməsi ilə gündəmə gəlmişdi.

Xatırladırıq ki, eyni zamanda o, azərbaycanlıların yadında başqa, çirkin bir əməli ilə qalıb.

Belə ki, 2009-cu ildə Ermənistan-Türkiyə futbol matçı zamanı Şəhabəddin Harput meydana Azərbaycanın dövlət bayrağının keçirilməsinə icazə verməyərək, bayrağımızın zibil qutusuna atılmasına dair göstəriş vermişdi. Azərbaycan ictimaiyyətinin bu iyrənc hərəkətə verdiyi sərt reaksiyadan sonra valinin göstərişini yerinə yetirən bir polis zabiti və 2 polis əməkdaşı barəsində inzibati tədbirlər görülmüş, onlardan biri işdən azad olunmuş, bayrağımızı təhqir etmək əmri vermiş FETÖ-cu vali isə cəzasız qalmışdı.

İlhamə
Ölkə.Az