Prezidentin əmri ilə 700 vətəndaş öldürüldü

Filippin vətəndaşları ölkə prezidenti Rodriqo Dutertenin göstərişi ilə bir-birlərini leqal şəkildə öldürməyə başlayıblar.

Ölkə.Az Rusiya KİV-lərinə istinadən xəbər verir ki, məsələnin mahiyyəti bundan ibarətdir ki, bir neçə ay əvvəl hakimiyyətə yeni gəlmiş prezident narkotik istifadəçilərini və narkotik maddələrin ticarəti ilə məşğul olan şəxslərin yerindəcə öldürülməsini əmr etmişdi. Bu müddət ərzində polis və sadə vətəndaşların 700 nəfər şübhəlini güllələdiyi bildirilir.

Bu mübarizəyə sadə vətəndaşlar da qoşulub. Onlar əllərində tüfəng və çomaqlarla küçələrdə keşik çəkir və şübhələndikləri istənilən şəxsi narkoman adı ilə öldürə bilirlər.

Prezident öz inauqurasiya mərasimində narkomanları öldürənlərin cəzalandırılmayıb, əksinə mükafalandırılacağını söylədikdən sonra Filippində kütləvi qətliamlar başlayıb.

İnsanların istintaq və məhkəmə olmadan vəhşicəsinə öldürülməsi beynəlxalq təşkilatları narahat edib və artıq bir-neçə təşkilat BMT-yə rəsmi müraciət ünvanlayıb.

Keçmişdə vəkil işləmiş Duterte seçkiqabağı kampaniyasında edam cəzasını bərpa etməyi vəd etmişdi.

İlhamə
Ölkə.Az