FETÖ-dən Türkiyədə təhsil alan azərbaycanlı tələbələrə qarşı
Türkiyədə təhsil alan bir qrup soydaşımız Ölkə.Az-a məktub yazaraq qardaş ölkənin Giresun Universitetində ölkəmizə və burada təhsil alan soydaşlarımıza qarşı çirkin təbliğat kampaniyasının aparıldığını bildiriblər.
Məlumata görə, kampaniya Giresun Universitetinin keçmiş rektoru, Türkiyədə tanınmış azərbaycanlı alim, professor Aygün Attara və azərbaycanlı tələbələrə qarşı FETÖ-nun nəzarətində olan media orqanları tərəfindən aparılır.
Azərbaycanlı tələbələrin redaksiyamıza göndərdiyi məktubu oxucularımızın nəzərinə çatdırırıq:
"Sifariş üzərinə yazılan dedi-qodu mahiyyətindəki xəbərlərə istinadən Azərbaycanlı tələbələrin Türkiyədə olmasından, Türkiyə-Azərbaycan əlaqələrinin inkişafından narahat olan FETÖ-nun mediadakı şəbəkəsi haqqımızda böhtan dolu yazılar yayınlamaqdadır. GÜLÖS imtahanı ilə və ya başqa zəhmətimizlə girdiyimiz və soydaşımızın varlığı səbəbi ilə özümüzü isti bir mühitdə hiss etdiyimiz universitetdə təhsilimizi davam etdirməmiz kimləri belə narahat edir?!
Bizim universitet içində Türkiyə və Türk dünyasının birlik və bərabərliyi üçün hər zaman öz vətənimizdə olduğumuzu hiss edərək göstərdiyimiz Vətənpərvərlik zəminindəki fəaliyyətə Giresunlular və Giresun Universiteti ailəsi şahiddir.
Ayrıca, FETÖ-nun Azərbaycanda varlıq göstərən (15 İyul sonrası bağlanılan) məktəbini seçim etməmiş olmamızmı (biz və Rektorumuz hədəf olaraq seçilməkdədir)?
Bizlərin bir qismi Azərbaycanda torpaq, vətən üçün şəhid və ya qazi olan ailələrin övladlarıyıq. Dolayısı ilə, bir hiss əməliyyatı ilə bizləri xor görməklə, qürurumuzu təhqir etməklə birlikdə hüquqi olaraq bizi bu böhtanlara məruz buraxan kəslər haqqında da hüquq müddətini başlatmamıza vəsilə olacaq.
Hörmətli Prof Dr. Aygün Attar müəllimimizin vəzifədən ayrılması nəticəsində heç xoş olmayan bir şəkildə təzyiqlərə məruz qalırıq. Sonunda Giresun Universitetində yaradılmış bu təzyiq vəziyyətinin araşdırılması və təhsil üçün rahat mühit təmin edilməsini və təzyiqin aradan qaldırılmasını tələb edirik.
İki qardaş ölkə arasında münasibətlərin pozulmasını arzu edənlərin təsbit edilməsini də tələb edirik. Azərbaycanı hər fürsətdə gözdən salan "haydi, Azərbaycan yolçusu qalmasın" başlıqları attıranların kimlər olduğunun bu müddət içərisində ortaya çıxarılmasını tələb edirik.
Xüsusilə, Azərbaycanda 15 iyuldan sonra FETÖ-ya aid bütün iş yerləri və bir universitet bağlandı. Bundan sonra burada olan azərbaycanlılara, başda Aygün Attar olmaqla, biz şagirdlərə hücum başladı.
Hamımızın ana vətəni olan Türkiyəyə mənəvi birlikdəlik xaricində maddi olaraq da ciddi qatqı təqdim etməkdən xoşbəxtlik duyuruq. Bizlər Azərbaycan xalqı olaraq hər zaman Türkiyə Respublikası dövlətinin davamlılığı üçün qiymətli dövlət idarəçilərinin və qardaş Türkiyə xalqının yanındayıq".
Mərdan ORUCOĞLU
DÜAP Qaradəniz Bölgə Konsey Başqanı və Giresun Universiteti Beynəlxalq Tələbə Nümayəndəliyi Rəhbəri.
Ölkə.Az
