"Rusiya dərhal Hələbin mühasirəsini dayandırmalıdır"
Avropa İttifaqının xarici işlər üzrə ali nümayəndəsi Federika Moqerini və Avropa komissiyasının humanitar məsələlər üzrə üzvü Xristos Stilianides birgə bəyanatla çıxış ediblər.
Ölkə.Az xəbər verir ki, beynəlxalq humanitar təşkilatlara müraciət edən avropalı məmurlar onları Suriyada humanitar əməliyyatları dayandırmağa çağırıblar.
"İstənilən humanitar təşəbbüs konkret məqsədə qulluq etməlidir və ancaq mülki şəxslərin ehtiyaclarını qarşılamaq üçün nəzərdə tutulmalıdır. İstənilən humanitar əməliyyat BMT-nin və digər mötəbər beynəlxalq təşkilatın nəzarəti altında həyata keçirilməlidir. Rusiya Hələbin mühasirəsini dayandırmalıdır və orada aclıq çəkən insanlara yardımlar çatdırılmalıdır", - deyə Moqerini və Stilianides bildiriblər.
