Whatsapp-dan inanılmaz yenilik

Dünyanın ən populyar mesajlaşma vasitələrindən biri olan WhatsApp yeniliklər etməyə davam edir.

Ölkə.Az milliyet.com.tr-ə istinadən xəbər verir ki, "Facebook" tərəfindən alındıqdan sonra tətbiq etdiyi yeniliklərdən sonra istifadəçilərinin rəğbətini qazanmağı bacarmışdı. WhatsApp yeni bir bomba partlatmağa hazırlaşır. Əldə olunan məlumata görə WhatsApp vasitəsilə artıq internet üzərindən səsli zəng və bu zəngləri yadda saxlamaq (diktafon) özəlliyi mümkün olacaq.

Viber, Skype, Tango, Hangouts kimi şirkətlərin qorxulu yuxusuna çevrilən WhatsApp səsli zəngləri yaddaşda saxlamaq funksiyasına görə, onları geridə qoyacaq. Ancaq WhatsApp-ın bu səsli zənglərini yaddaşda saxlanılması yeniliyindən bir çox ölkədə istifadə etmək mümkün olmayacaq. Səbəb isə bundan ibarətdir ki, bir çox ölkənin qanunlarına görə, edilən zəngləri yaddaşda saxlamaq qadağandır.

Bu qadağanı qoyan ölkələrdən birinci Amerikadır. Amerika qanunlarına görə, əlaqə saxlayan hər iki tərəfin razılığı olmadan söhbət yazıla bilməz. 600 milyon istifadəçisi olan WhatsApp şirkətinin bu yenilikləri nə zaman istifadəyə verməsi isə hələ məlum deyil. Səsli zənglərin qeyd edilməsi gələcəkdə şirkətə və istifadəçilərə əlavə problemlər yaradacağı da istisna deyil.

Ölkə.Az