Ərdoğan və Putin nəyi müzakirə edəcəklər

Ərdoğan və Putin münasibətlərin bərpa edilməsini və Suriya məsələlərini müzakirə edəcəklər

Ölkə.Az "Anadolu" agentliyinə istinadən xəbər verir ki, Rusiya və Türkiyə prezidentləri Vladimir Putinlə Rəcəb Tayyib Ərdoğanın görüşündə münasibətlərin bərpa edilməsi məsələləri müzakirə olunacaq. Bu barədə Kremlin mətbuat katibi Dmitri Peskov məlumat verib.

Peskov bildirib ki, iki liderin avqustun 9-da Sankt Peterburqda keçiriləcək görüşündə münasibətlərin hansı templə və hansı ardıcıllıqla inkişaf etdiriləcəyinə dair ciddi müzakirələr aparılacaq. Həmçinin, iqtisadi fəaliyyətlə bağlı məsələlər də görüşün əsas müzakirə mövzularından olacaq. Regional problemlər, o cümlədən Suriya böhranı barədə də danışıqlar aparılacaq.

İlhamə
Ölkə.Az