Baş nazirin istefasına dair petisiya 150 min imza toplayıb

Ölkə.Az "BBC"yə istinadən xəbər verir ki, Change.org saytında Rusiyanın baş naziri Dmitri Medvedevin istefasını tələb edən petissiya 150 mindən çox imza toplayıb.

Xatırladaq ki, bu günlərdə Dmitri Medvedev əmək haqqının həcmindən narazı olan müəllimlərə bizneslə məşğul olmağı məsləhət görmüşdü. Bu da ölkədəki müəllimlərin böyük narazılığına səbəb olmuşdu.

Rusiya prezidenti Putinə ünvanlanmış petisiyada bildirilir ki, hökumətə səriştəli, savadlı və ölkəyə can yandıran insan rəhbərlik etməlidir. Petisiya müəllifləri Medvedevdən məllimlərdən üzr istəməsini tələb ediblər.

May ayının sonunda Medvedevin maliyyə məsələləri ilə bağlı daha bir qalmaqalda adı hallanmışdı. Krımda olarkən pensiyaların nə zaman qalxacağına dair sualı baş nazir belə cavablandırmışıd: "Pul yoxdur. Pul tapsaq pensiyaları indeksasiya edəcəyik. Amma siz dözün".

Dmitri Medvedevin bu cümlələri uzun müddət müzakirə mövzusu olmuşdu.

Kremlin sözçüsü Dmitri Peskov Prezident Administrasiyasının petisiyadan xəbərsiz olduğunu bildirib.

İlhamə
Ölkə.Az