Siyasətçini canlı efirdə güllələdilər

Meksikada ictimai xadim Atilano Roman Tiradonu onun hər həftə keçirdiyi radioproqram zamanı öldürüblər. 

Ölkə.az "Associated Press" agentliyinə istinadən xəbər verir ki, faciə Sinaloa ştatının Masatlan şəhərində baş verib.

Məlumata görə, iki cinayətkər "Fiesta Mexicana" radiostansiyasına girib orada müsahibə verən siyasətçi Tiradonu qətlə yetiriblər. Radiostansiyanın administratorunun agentliyə verdiyi açıqlamada bildirilir ki, cinayətkarlar studiyaya zorla soxularaq bu qətli gerçəkləşdiriblər.

Administrator daha sonra bildirib ki, qatillərdəön biri canlı yayım otağının önündə keşik çəkib, digəri isə içəri daxil olaraq Tiradonu qətlə yetirib. Meksika polisindən verilən məlumata görə, cinayət həm də canlı yayımda baş verdiyinə görə ölkə kriminalistika tarixinə düşüb. Dairə prokuroru Marko Antonionun sözlərinə görə, cinayətkarları tapmaq üçün təhlükəsizlik kamerasının qeydlərindən istifadə olunacaq.

Xatırladırıq ki, iki güllə yarası alan siyasətçi xəstəxanaya çatdırılsa da, onun həyatını xilas etmək mümkün olmayıb.

Çinarə Vahabzadə

Ölkə.az