Türkiyədə yeni kəşfiyyat orqanı yaradılır
15 iyul çevriliş cəhdindən sonra Türkiyənin kəşfiyyat orqanları ətrafındakı söz-söhbətlər səngimək bilmir.
Ölkə.Az xəbər verir ki, ölkədə yeni kəşfiyyat orqanının yaradılmasına hazırlıq gedir.
Yeni kəşfiyyat orqanının jandarma kəşfiyyat və Daxili İşlər Nazirliyinin kəşfiyyat departamentinin bazasında, onlar birləşdirilərək yaradılacağı deyilir. Yeni kəşfiyyat orqanının Təhlükəsizlik Kəşfiyyat Müstəşarlığı adlanacağı bildirilir. Məlumata görə, bu xüsusi xidmət orqanını əks-kəşfiyyat, Milli İstihbarat Təşkilatı isə xarici kəşfiyyat rolunu oynayacaq.
Xatırladırıq ki, indiyədək Türkiyədə MİT həm kəşfiyyat, həm də əks-kəşfiyyat rolunu oynamışdı.
