Nazir: \"Xəstəxanalarda hələ də 117 yaralı var\"

Türkiyənin səhiyyə naziri Rəcəb Akdağ ölkədə güc yolu ilə hakimiyyəti ələ keçirmək cəhdləri zamanı zərərçəkənlərə bağlı son məlumatları açıqlayıb.

Ölkə.Az Trend-ə istinadən xəbər verir ki, Ərzurum əyalətində jurnalistlərlə söhbətdə nazir bildirib ki, hazırda ölkə xəstəxanalarında 117 yaralı, 18 nəfərin vəziyyəti isə ağır olaraq qalır.

Qeyd edək ki, Türkiyədə iyulun 15-dən 16-na keçən gecə dövlət çevrilişinə cəhd edilib. Hadisədə 246 nəfər ölüb, 2000-dən çox insan xəsarət alıb.