İranlı alim ABŞ-a casusluqda şübhəli bilinərək edam edildi

Ölkə.Az Rusiya KİV-lərinə istinadən xəbər verir ki, fizika və nüvə araşdırmaları üzrə mütəxəssis Şahrami Amiri dar ağacından asılıb.

Ölkə.Az xəbər verir ki, uzun müddət ABŞ-da yaşamış alimin cəsədi doğmalarına təhvil verilib.

Şahrami Amiri 2009-cu ildə həcc ziyarətinə gedib və geri dönməyib. Daha sonra onun ABŞ-da yaşadığı məlum olub. Verilən xəbərlərə görə, alim ABŞ Mərkəzi Kəşfiyyat İdarəsi (MKİ) tərəfindən oğurlanıb. 2010-cu ildə "ABC News" kanalı onun Amerika Kəşfiyyat idarəsinə İranın nüvə proqramı üzrə məlumatlar verməsi barədə xəbər yayıb.

ABŞ alimin oğurlanması xəbərini təkzib edib. Ağ Ev onun könüllü şəkildə Amerikaya gəldiyini bəyan edib.

Fizik özü isə İran xalqına videomüraciətində MKİ-nin onu zorla əməkdaşlığa məcbur etdiyini söyləyib. 2010-cu ildə vətənə dönən alim İranda qəhrəman kimi qarşılansa da, bir il sonra vətənə xəyanət ittihamı ilə həbs olunub.

İlhamə
Ölkə.Az