Pakistanda terror aktı: 30 nəfər həlak oldu

Ölkə.Az Ria Novosti agentliyinə istinadən xəbər verir ki, Pakistanın Kvetta şəhərində yerləşən xəstəxanalardan birinin reanimasiya şöbəsində partlayış törədilib.

Partlayışın ardınca naməlum şəxslər atəş açıblar. 30 nəfərin öldüyü, 50-dən çox insanın yaralandığı bildirilir.

Hadisə bu gün səhər saatlarında baş verib. Bu gün sübh çağı Belucistan Vəkillər Kollegiyası Assosiasiyasının keçmiş prezidenti Bilal Ənvər Qasi öldürülüb. Onun cəsədi Kvettadakı xəstəxanaya gətirilib. Hadisə yerinə onun həmkarları, qohumları və mətbuat nümayəndələri toplanıb. Elə həmin anlarda partlayış baş verib.

Hazırda polis hadisə yerini mühasirəyə alıb.

İlhamə
Ölkə.Az