Türkiyədə 3 general və 60 yüksək rütbəli zabit PKK-ya qoşuldu

Ölkə.Az Türkiyə mediasına istinadən xəbər verir ki, 15 iyul dövlət çevrilişi cəhdindən sonra 3 general 60 müxtəlif rütbəli zabit olan bir qrup hərbçinin PKK sıralarına qoşulduğu iddia olunur.

Türkiyə Kəşfiyyat İdarəsi (MİT-Milli İstihbarat Təşkilatı) və Baş Qərargahın əldə etdiyi kəşfiyyat məlumatlarına görə, onlar helikopterlərlə Silopiyə gediblər. Daha sonra Silopidəki hərbi bazada FETÖ-çu həmkarlarının dəstəyi ilə Habur sərhəd-keçid məntəqəsindən İraq ərazisinə keçiblər.

Onların Zahoda PPK terrorçuları tərəfindən qarşılanıb Qəndildəki əsas düşərgəyə aparıldıqları iddia olunur. Vətən xainlərinin saxta şəxsiyyət vəsiqələri ilə Avropaya keçməyi planlaşdırıdıqları barədə də məlumatlar əldə olunub.

Qeyd edək ki, çevriliş cəhdindən sonra 9 general və 288 müxtəlif rütbəli zabit hələ də fərari hesab olunur və axtarışdadır.

İlhamə
Ölkə.Az