Yəməndə hökumət qoşunları ilə toqquşma: 21 nəfər həlak oldu

Ölkə.Az Anadolu Agentliyinə istinadən xəbər verir ki, Yəmənin Taiz və Şəbva şəhərlərində baş verən qanlı döyüşlərdə 21 nəfər, o cümlədən 2 dinc sakin öldürülüb.

Yerli mənbələrin verdiyi məlumata görə, hökumət qoşunları ilə devrilmiş eks-prezident Əli Abdulla Salehin tərəfdarları, eləcə də onları dəstəkləyən husilər arasında döyüşlər yenidən alovlanıb. 16 husinin və 3 əsgərin öldüyü bildirilir.

Şəbva şəhərində isə məktəbin qarşısında qumbara partladılması nəticəsində iki dinc sakin həlak olub.

Hökumət qüvvələrinin Nihm vilayətndə strateji əhəmiyyətli bir sıra rayonları ələ keçirildiyi xəbər verilir.

İlhamə
Ölkə.Az