Pakistandakı terroru İŞİD öz üzərinə götürdü

Pakistanda xəstəxananın partladılması nəticəsində ölənlərin sayı 93-ə çatıb.

Partlayışa görə İŞİD məsuliyyəti öz üzərinə götürüb.

Ölkə.Az "Ria Novosti" agentliyinə istinadən xəbər verir ki, Pakistanın Kvetta şəhərində partladılan xəstəxanada ölənlərin sayı 93 nəfərə çatıb.

Hadisə bu gün səhər saatlarında baş verib. Bu gün sübh çağı Belucistan Vəkillər Kollegiyası Assosiasiyasının keçmiş prezidenti Bilal Ənvər Qasi öldürülüb. Onun cəsədi Kvettadakı xəstəxanaya gətirilib. Hadisə yerinə onun həmkarları, qohumları və mətbuat nümayəndələri toplanıb. Elə həmin anlarda partlayış baş verib. Daha sonra naməlum şəxs atəş açıb.

Hazırda polis hadisə yerində araşdırma aparır. Hadisəyə görə İŞİD məsuliyyəti öz üzərinə götürüb.

İlhamə
Ölkə.Az