Əsəd qüvvələri Türkiyədəki qaçqın düşərgələrini bombalayacaq

Hücum planını Nişan adlı bir Suriya ermənisi hazırlayıb

Ölkə.Az Türkiyə mediasına istinadən xəbər verir ki, şərq və şimali-şərq sərhədlərində FETÖ ilə birlikdə fəaliyyət göstərən CİA (Mərkəzi Kəşfiyyat İdarəsi) və Suriya kəşfiyyat agentliklərinin Türkiyənin Suriya sərhədəri yaxınlığında yerləşmiş qaçqın düşərgələrini bombalayacağı barədə məlumatlar əldə edilib.

Bu məlumatları sərhəd xəttində ələ keçirilmiş suriyalı agent verib. O, Əsəd qüvvələrinin Yayladağı sərhəd düşərgəsini və eləcə də sərhəddə yerləşən bir çox düşərgələri təxribat məqsədi ilə bombalayacağını xəbər verib. Suriyalı agent bunun üçün artıq 5 aydır hazırlıq görüldüyünü, FETO, MKİ və Suriya kəşfiyyatının ortaq hərəkət etdiyini, Güveşci rayonunda iki düşərgədə 6 mindən çox qaçqının yaşaması haqqında məlumat əldə edildiyini və hücum planının Latakiyada yaşayan Nişan adlı bir erməni tərəfindən hazırlandığını bildirib.

Onun dediyinə görə, Nişanı ABŞ-da fəaliyyət göstərən erməni lobbisi maliyyələşdirir. Plana görə, terror aktlarını İŞİD-in törətdiyi elan ediləcək.

Bu terror aktının əsas məqsədi Hatay və Samandağında xaos yaratmaq və nəhayətdə Hatay və İskəndərunu yenidən Suriyanın tərkibinə qatmaqdan ibarətdir.

İlhamə
Ölkə.Az