Ərdoğanı Rusiya səfərində bu nümayəndə heyəti müşayət edir

Ölkə.Az Rusiya KİV-lərinə istinadən xəbər verir ki, Türkiyə prezidenti Rəcəb Tayyib Ərdoğan artıq Sankt- Peterburq şəhərinə çatıb.

Prezidenti bu səfərdə baş müşaviri Məhmət Şimşək, xarici işlər naziri Mövlut Çavuşğolu, turizm və mədəniyyət naziri Nəbi Avcı, iqtisadiyyat naziri Nihat Zeybəkçi, ərzaq, kənd təsərrüfatı və heyvandarlıq naziri Faruk Çelik, enerji və təbii ehtiyatlar naziri Berat Albayraq müşayət edirlər.

Həmçinin hakim Ədalət və İnkişaf Partiyasının baş katibinin müşaviri Mehdi Eker, Milli Kəşfiyyat İdarəsinin (MİT) rəhbəri Hakan Fidan da nümayəndə heyətinin tərkibinə daxildir.

Türkiyə mediası MİT rəhbərinin nümayəndə heyətinin tərkibinə daxil edlməsini "sürpriz" kimi qiymətləndirib.

İlhamə
Ölkə.Az