Türkiyə və Rusiya prezidentlərinin görüşü başladı

Ölkə.Az Rusiya mətbuatına istinadən xəbər verir ki, Sankt-Peterburqun Konstantinovski sarayının Yunan qonaq salonunda Vladimir Putinlə Rəcəb Tayyib Ərdoğanın görüşü başlayıb.

İki ölkənin liderləri bir -birlərinin əlini sıxıb. Görüşdə Rusiya tərəfindən xarici işlər naziri Sergey Lavrov, prezidentin köməkçisi Yuri Uşakov, Türkiyə tərəfindən XİN başçısı Mövlut Çavuşoğlu, Prezident Aparatının baş katibinin müavini İbrahim Kalın iştirak edirlər.

Rusiya prezidentinin köməkçisi Yuri Uşakovun jurnalistlərə verdiyi məlumata əsasən, görüşdə 8 ay öncə iki ölkə arasında böhran yaranmasına səbəb olmuş SU-24 təyyarəsinə görə kompensasiya verilməsi məsələsi də müzakirə oluna bilər.

İlhamə
Ölkə.Az