Münasibətlərin normallaşması hər iki ölkənin xeyrinə olacaq

Ölkə.Az Anadolu Agentliyinə istinadən xəbər verir ki, Rusiya prezidenti Vladimir Putin Sankt-Peterburqda Türkiyə prezidenti Rəcəb Tayyib Ərdoğanla görüş zamanı münasibətlərin normallaşmasının hər iki ölkəyə faydalı olcağını söyləyib.

"Biz yaxşı bilirik ki, əvvəllər ölkələrimiz arasında münasibətlər çox yüksək səviyyədə idi. Təyyarə ilə bağlı böhran bu münasibətləri çox aşağı səviyyəyə saldı.Ölkənizdəki gərgin vəziyyətə baxmayaraq Rusiyaya səfər etməniz bizim hamımızın münasibətləri yaxşılaşdırmaq istəyimizdən xəbər verir. Bu hər iki xalq üçün faydalıdır.",- deyə Putin bildirib.

Rusiya prezidenti deyib ki, türkiyəli həmkarı ilə ikitərəfli münasibətlərin bütün spektrlərini, o cümlədən iqtisadi əlaqələrin bərpası və terrorçuluqla mübaizədə əməkdaşlıq məsələlərini müzakirə etmək niyyətindədir.

İlhamə
Ölkə.Az