Fransa İran və Səudiyyə Ərəbistanı arasında vasitəçi olacaq

Ölkə.Az Anadolu Agentliyinə istinadən xəbər verir ki, rəsmi Paris Mina vadisində zəvvarların əzilməsi ilə bağlı İranla Səudiyyə Ərəbistanı arasında yaranmış gərginliyin aradan qaldırılmasına vasitəçi ola bilər.

Bu barədə İranın Həcc və Ziyarət Təşkilatının sədri Səid Əhədi məlumat verib.

O, İranın İSNA agentliyinə müsahibəsində söyləyib ki, Fransa İranın Səudiyyə Ərəbistanından kompensasiya tələbi məsələsi ilə bağlı vasitəçilik etməyi üzərinə götürüb.

Xatırladaq ki, İran tərəfi ötən il Həcc ziyarəti zamanı Mina vadisində qaldırıcı kranın yıxılması nəticəsində həlak olan zəvvarların ailəsinə kompensasiya ödənilməsini tələb etsə də, Ər -Riyad bu məsələyə müsbət cavab verməyib. Bu insident iki dövlət arasında onsuz da soyuq olan münasubətləri bir qədər də gərginləşdirib.

İlhamə
Ölkə.Az