Respublikaçılar Partiyasında parçalanma yaranıb

Ölkə.Az BBC-yə istinadən xəbər verir ki, Respublikaçılar partiyasından ABŞ prezidentliyinə namizəd Donald Trampın partiya yoldaşları ondan üz çevirməyə başlayıblar.

Trampa görə partiya içərisində parçalanmanın yarandığı nəzərə çarpır. Belə ki, Respublikaçılar partiyasının ABŞ administrasiyası və xsusi xidmət orqanlarında yüksək postları tutan 50 nüfuzlu üzvü New York Times qəzetinə məktub yazaraq Trampı prezidentlik üşün çox təhlükəli namizəd adlandırıblar.

"Onun ABŞ Konstitusiyası, dini dözümlülük, mətbuat azadlığı, qanunvericilik kimi vacib institutlar barədə baza bilikləri belə yoxdur. Tramp ABŞ-ın rifahını və milli təhlükəsizliyini təhlükə altında qoya bilər",- deyə məktubda bildrilir.

Qeyd edək ki, məktuba imza atanlar arasında MKİ-nin keçmiş rəhbəri Maykl Hayden, Milli Kəşfiyyat İdarəsinin keçmiş direktoru Con Neqroponte, Dünya Bankının keçmiş rəhbəri Robert Zellik, keçmiş daxili təhlükəsizlik nazirləri Tom Ric və Maykl Çertoffun da adları var.

Tramp ona qarşı məktub yazan partiya yoldaşlarını "hakimiyyəti əldə saxlamağa çalışan uğursuz Vaşinqton elitası" adlandırıb.

İlhamə
Ölkə.Az