Türk admiral ABŞ-dan sığınacaq istədi
Ölkə.Az "Reuters" agentliyinə istinadən xəbər verir ki, Virciniya ştatının Norfolkdakı NATO missiyasına ezam edilmiş türk kontr-admiral ABŞ-dan sığınacaq istəyib
"Türk admiral iyulun 22-də öz fərqlənmə nişanını və şəxsiyyət vəsiqəsini bazada qoyub gedib, bundan sonra onu görən olmayıb",- deyə adının gizli qalmasını istəyən hərbçi bildirib.
O, zabitin adını söyləməkdən imtina edib.
Admiral Türkiyə Müdafiə Nazirliyi tərəfindən vətənə geri çağrılsa da, onu tapmamq mümkün olmayıb.
Türkiyənin ABŞ-dakı səfirliyinin əməkdaşının verdiyi məlumata görə, bu Türkiyə Hərbi Dəniz Qüvvələrinin kontr-admiralı Mustafa Uğurlu ola bilər. M. Uğurlu Türkiyə hökumətinin onun saxlanması barədə qərar çıxardıqdan sonra öz rəhbərliyi ilə əmək müqavləsini pozub və yoxa çıxıb.
Qeyd edək ki, ABŞ-da fəaliyyət göstərən daha iki yüksək rütbəli zabit Türkiyəyə geri çağrılıb. Pentaqonun rəsmi nümayəndəsi Ceff Devis isə məsələylə bağlı şərh vermək istəməyib.
İlhamə
Ölkə.Az