Tereza Mey və Vladimir Putin arasında ilk dəfə telefon söhbəti oldu

Ölkə.Az xəbər verir ki, Böyük Brianiyanın baş naziri Tereza Mey baş nazir olandan bəri ilk dəfə Rusiya prezidenti Vladimir Putinlə telefonla danışıb.

Hər iki lider Böyük Britaniya-Rusiya əlaqələrinin aşağı səviyyədə olmasından narazılığını bildirib və münasibətlərin inkişaf etdirilməsinin vacibliyini vurğulayıblar.

Bu barədə Rusiya prezidentinin mətbuat katibi Dmitri Peskov məlumat verib.

Tərəflər hava hücumundan müdafiə sahəsində, terrorizmə qarşı mübarizədə əməkdaşlıq barədə müzakirələr aparılmalı oldğunu bildiriblər.

Hər iki lider gələn ay Çində baş tutacaq G20 sammitində görüşəcək.

İki ölkə arasında münasibətlər, 2006-cı ildə Rusiya xüsusi xidmət orqanlarının keçmiş zabiti Aleksandr Litvinenkonun zəhərlənib öldürülməsinə görə Böyük Britaniyanın prezident Putini günahlandırması və hadisənin onun əmri ilə baş verməsi ehtimalını irəli sürməsi ilə gərginləşmişdi.

Rusiyanın Suriya rejimini dəstəkləməsi, Krımın ilhaq olunması, Ukraynada müharibə aparması və qərbin Rusiyaya qarşı sanksiyaları Rusiya-Britaniya münasibətlərinini bir qədər də gərginləşdirib.

İlhamə
Ölkə.Az