Üzgüçü canlı yayımda boğulub öldü

Ölkə.Az xəbər verir ki, Bosniya və Herseqovinada yerli telekanalla canlı yayımlanan idman proqramı zamanı faciə baş verib.

Sloveniyalı peşəkar idmançı Andrey Beyuts canlı yayımlanan yarışda suya tullandıqdan sonra ölüb.

O, hündürlüyü 20 metr olan körpüdən suya atılıb. Tullanışdan sonra suyun altından çıxıb tamaşaçılara əl edən idmançı yenidən suya qərq olub. Ətrafdakılar Beyutsu sudan çıxardıqda isə o artıq həyatını itirmişdi.

İdmançının ölüm səbəbi araşdırılır.

İlhamə
Ölkə.Az