Turqut Özalın ölümündə Gülənin əli var?

Ölkə.Az Anadolu agentliyinə istinadən xəbər verir ki, Turqut Özalın oğlu Əhməd Özal bildirib ki, hələ 1991-ci ildə "Sızıntı" jurnalında Fətullah Gülən Turqut Özala qarşı çox ağır ifadələr işlədib.

"Çünki atam bu adamın çox təhlükəli biri olduğunu bilirdi. Məncə 1993-cü il 28 fevral hadisləri bir daha araşdırılmalıdır. Jurnalist Uğur Mumçunun avtomobilinin partlamasında da onların əli olub. Bu məsələ Ergenekon və Balyoz kimi cinayət işlərində yenidən qaldırıldı, lakin heç bu da baş tutmadı",- deyən Əhməd Özal daha sonra əlavə edib ki, atasının məzarı açıldıqdan sonra məhkəmə sədri FETO-çu olduğu üçün vəzifəsindən çıxarılaraq həbs edildi.

"Məsələ ilə bağlı ekspertizada işləyənlərə təhdidlər edilirdi. Atamın sağlamlıq cəhətdən problemi olduğu üçün yanında iki həkim olurdu. Amma həmin gün onun palatasına yaxın belə gəlmədilər. Bütün bunlar araşdırılmadı və iş bağlandı. İlk əvvəl yanlış olaraq zəhərlənmək diaqnozu qoydular, sonra isə susdular. Atamın ölümü ilə bağlı şox ciddi şübhələrim var",- deyə eks-prezidentin oğlu bildirib.

İlhamə
Ölkə.Az