"ABŞ seçim etməlidir, ya Türkiyə, ya da Gülən"

Ərdoğan ABŞ-a Türkiyə və Gülən arasında seçim etməyi təklif etdi

Ölkə.Az RiaNovosti agentliyinə istinadən xəbər verir ki, Türkiyə prezidenti Rəcəb Tayyib Ərdoğan bəyan edib ki, ABŞ əvvəl-axır Ankara ilə FETÖ arasında seçim etməlidir.

"Ya Türkiyə ya FETÖ. Ya hüquqi dövlətə çevriliş hazırlayan terror təşkilatı ya da demokratik Türkiyə. Onlar seçim etsinlər", deyə Ərdoğan Ankarada bəyanat verib.

Xatırladaq ki, rəsmi Ankara Fətullah Gülənin ölkəyə qaytarılması ilə bağlı ABŞ iki rəsmi sorğu göndərib. ABŞ tərəfi məsələylə bağlı Türkiyəyə kömək edəcəyini bildirsə də hələlik konkret addımlar atılmayıb. FETÖ təşkilatının rəhbəri Fətullah Gülən isə ünvanına səsləndirilən bütün ittihamları rədd edir. Gülən ABŞ rəhbərliyinə müraciət edərək, onu Türkiyəyə verməməyi xahiş edib.

İlhamə
Ölkə.Az