"Krımda terror aktı cəhdini cavabsız qoymayacağıq"

Ölkə.Az Rusiya KİV-lərinə istinadən xəbər verir ki, Rusiya Prezidenti Vladimir Putin dünən Krımda rusiyalı və ukraynalı hərbiçilər arasıda baş vermiş qarşıdurmanı təxribat və terror aktı cəhdi kimi qiymətləndirib.

Ölkə başçısının sözlərinə görə, bu Ukraynanın Rusiya ərazisinə soxulmasıdır. O, bu insidenti "Ukrayna tərəfindən atılmış axmaq cinayətkar aksiya adlandırıb.

"Bu bir daha sübut edir ki, Ukrayna danışıqlar prosesini davam etdirmək istəmir. Bu ona görə axmaq aksiyadır ki, Krımda yaşayan insanlara bu üsulla müsbət təsir göstərmək, onları öz tərəfinə çəkmək mümkün deyil. Ona görə cinayətkar aksiyadır ki, insanlar ölə bilərdi. Biz Krımın infrastrukturunun və vətəndaşların təhlükəsizliyinin artırlması üçün tədbirlər görəcəyik və əlbəttə ki, Ukraynanın bu addımı cavabsız qalmayacaq", deyə Rusiya prezidenti bildirib.

İlhamə
Ölkə.Az